Y-Prime, LLC
Leano la Lekunutu

Sepheo

Y-Prime, LLC (YPrime) e ikemiseditse ho ba le ponaletso pokellong le tshebedisong ya Boitsebiso ba Botho. Ka tataiso ena, YPrime e itlama ho sireletsa lekunutu, boitsebiso esita le ditokelo tsa motho ka mong ho ipapisitswe le Boitsebiso ba Botho.

Tataiso ena e sebetsa ho Boitsebiso ba Botho ba bareki bohle, bankakarolo ba diphuputso tsa bongaka, barekisi, bakopi ba mosebetsi, basebetsi, borakonteraka, basebetsi ba mehleng, le ba etelang websaeteng ya YPrime (jwalo ka dicooki le di tag tsa inthanete) e fanwang kapa ho bokellwa le ho bolokwa ke YPrime.

Ditokelo tsa Botho tsa Lekunutu California

Tlasa molao wa California wa “Shine the Light”, baahi ba California ba fanang ka karolo e nngwe ya boitsebiso ba bona bo ba tsebahatsang bakeng sa ho reka thepa kapa ho fumana ditshebeletso ho motho ka mong, lelapa kapa bakeng sa tshebediso ka lapeng ba na le tokelo ya ho kopa le ho fumana tlhahisoleseding (hanngwe ka selemo) ho tswa ho YPrime mabapi le boitsebiso ba moreki boo re bo arolelaneng (ha bo le teng) le dikgwebo tse ding bakeng sa ho bapatsa. Moo ho hlokahalang, tataiso ena e tla kenyelletsa dikarolo tsa boitsebiso ba moreki, mabitso le diaterese tsa dikgwebo tseo re arolelaneng boitsebiso ba bareki le tsona selemong se fetileng (mohlala, dikopo tse entsweng ka 2021 di tla fumana lesedi mabapi le karolelano ya 2020, haeba e le teng.)

Ho fumana tlhahisoleseding ena, re kopa o romele molaetsa ka imeile ho privacy@yprime.com o balehang tjena “Kopo ya Tlhahisoleseding ya Lekunutu California” moleng wa sehlooho le karolong ya molaetsa wa hao. Re tla o romella boitsebiso boo o bo kopileng atereseng ya hao ya imeile ha o fuwa karabo.

Ka kopo hlokomela hore hase boitsebiso bohle bo arolelanwang bo welang tlasa molao wa “Shine the Light,” mme ke boitsebiso feela bo arolelanwang bo tla kenyelletswa karabong ya rona.

YPrime e hlompha lekunutu la motho ka mong mme e ananela boitshepo ba balatedi ba yona, basebetsi, bankakarolo ho phuputso ya bongaka, bareki, bahwebi mmoho, le ba bang. YPrime e itlama ho bokella, ho sebedisa le ho phatlalatsa boitsebiso e ipapisitse le melao ya dinaha tseo e hwebang ho tsona, empa ho feta mona, e na le nalane e ntle ya hlompho mekgweng ya yona ya ho tsamaisa kgwebo.

Ha o na le dipotso mabapi le tataiso ena, kapa ho fumana ditlhakisetso tse ding, romela molaetsa wa hao ho privacy@yprime.com. Yprime e sebetsa e ipapisitse le melawana ya GDPR.

Tsebiso ena e ka ntlafatswa nako le nako. Ha dintlafatso tsa dintlha di etswa, letsatsi la ho qetela la ho etsa jwalo le tla ngolwa qetellong ya leqephe.

Ditlhaloso

“Molaodi wa taolo ya Boitsebiso” ke motho ya nang le matla kapa setsebi sa ditaba tsa molao, moemedi wa setjhaba, setsi kapa mokgatlo o itseng oo, o le mong kapa o sebetsa le e meng, o bontshang merero le mekgwa ya ho Sebedisa Boitsebiso ba Botho.

“Boitsebiso” ke motho ya tsebahalang kapa ya phelang.

“GDPR” ke Molao wa Taolo le Polokeho ya Boitsebiso ka Kakaretso wa Mokgatlo wa Dinaha tsa Europa (EU).

“Boitsebiso ba Botho” ke boitsebiso ba mofuta ofe kapa ofe bo amahanngwang le motho ya phelang ya ka tsebahatswang ka boitsebiso bo jwalo. Ho latela GDPR sena se bitswa ”Boitsebiso bo Tsebahatsang Motho.”

“Tshebediso” ke tshebediso efe kapa efe e etswang ka boitsebiso jwaloka ho bokella, ho boloka, ho fetolwa ha yona, ho e phatlalatsa kapa ho e hlakola.

“Molaodi wa Tshebediso ya Boitsebiso” ke motho ya nang le matla kapa setsebi sa ditaba tsa molao, moemedi wa setjhaba, setsi kapa mokgatlo o itseng o sebetsanang le boitsebiso lebitsong la molaodi wa taolo ya boitsebiso.

“Mekgahlelo e Kgethehileng ya Boitsebiso ba Botho” ke tlhahisoleseding ya motho jwaloka morabe wa hae, setso seo a tswang ho sona, Tlaleho ya Botlokotsebe, maikutlo a dipolotiki, bodumedi kapa tumelo ho tsa filosofi, ho ba setho mekgatlong ya basebetsi, bophelo bo botle, mekgwa ya thobalano kapa kgetho ya bong, le boitsebiso ba kgatiso ya menwana, mme ona ke mofuta wa Boitsebiso ba Botho.

“Boitsebiso ba Tlaleho ya Botlokotsebe” ke ditaba tsa diqoso le ditlolo tsa molao tsa motho, le tse amanang le ho ba mmelaellwa le dinyewe kgotla.

Maano a Tshireletso ya Boitsebiso

YPrime e sebetsana le Boitsebiso ba Botho e ipapisitse le maano a tshireletso ya boitsebiso a latelang:

• E sebetsana le Boitsebiso ba Botho ka toka, ka tsela e molaong, le ka ho ba le ponaletso.
• E bokella Boitsebiso ba Botho feela bakeng sa merero e boletsweng, e hlakileng le e nepahetseng.
• E sebetsana le Boitsebiso ba Botho feela moo bo hlokahalang, le moo ho loketseng, mme e lekanyeditswe feela bakeng sa merero ya Tshebediso ya teng.
• E boloka Boitsebiso ba Botho bo nepahetseng mme e leka ka hohle ho netefatsa hore Boitsebiso ba Botho bo fosahetseng bo a lokiswa kapa bo hlakolwe hang hang.
• E boloka Boitsebiso ba Botho bakeng sa nako e behilweng ya tshebediso ya bona.
• E nka mehato e nepahetseng ho netefetsa hore Boitsebiso ba Botho bo bolokehile le ho sireletswa kgahlanong le Tshebediso e sa dumellwang kapa e ka thoko ho molao, ha bo ka ba lahleha ka phoso, kapa ba senyeha.

YPrime e nka boikarabello hore na e fumana, e bokella le ho lahla boitsebiso jwang, esita le ho netefatsa hore e latela maano a ka hodimo.

• E sebetsana le Boitsebiso ba Botho ka toka, ka tsela e molaong, le ka ho ba le ponaletso.
• E bokella feela Boitsebiso ba Botho bakeng sa merero e boletsweng, e hlakileng le e nepahetseng.
• E sebetsana le Boitsebiso ba Botho feela moo bo hlokahalang, le moo ho loketseng, mme e lekanyeditswe feela bakeng sa merero ya Tshebediso ya bona.
• E boloka Boitsebiso ba Botho bo nepahetseng mme e leka ka hohle ho netefatsa hore Boitsebiso bo fosahetseng bo a lokiswa kapa bo hlakolwe hang hang.
• E boloka feela Boitsebiso ba Botho ka nako e behilweng ya Tshebediso ya bona.
• E nka mehato e nepahetseng ho netefetsa hore Boitsebiso ba Botho bo bolokehile, bo sireletsehile kgahlanong le tshebediso e sa dumellwang kapa e ka thoko ho molao, ha bo ka ba lahleha ka phoso, kapa ba senyeha.
• Re nka boikarabello hore na re fumana le ho lahla Boitsebiso ba Botho jwang, esita le ho netefatsa hore re latela maano a ka hodimo.

Moo Yprime e nkwang e le Molaodi wa Taolo ya Boitsebiso, e hlalosetsa motho ka mong mabaka a ho bokella Boitsebiso ba bona ba Botho le hore na bo sebediswa jwang, esita le metheo ya molao ya ho bokella boitsebiso boo ho latela leano la yona la lekunutu, le ho se bokelle Boitsebiso ba Botho ka mabaka a mang. Moo YPrime e latelang ditabatabelo tsa yona e le lebaka la mantlha la Tshebediso ya Boitsebiso, e a itekola ho netefatsa hore ditabatabelo tseo ha di hatakele ditokelo le bolokolohi ba motho ka mong. YPrime e tla lokisa Boitsebiso ba Botho hang hang haeba monga bona a etsa tlhokomediso ya hore bo fetohile kapa bo fosahetse.

Moo Yprime e nkwang e le Molaodi wa Tshebediso ya Boitsebiso ba Botho kapa mothusi wa hae, e tla sebedisa feela Boitsebiso ba Botho ho latela melao e tshebetsong, ditataiso, melawana, ho ipapisitswe le taelo ya molaodi wa taolo ya boitsebiso.

Boitsebiso ba Botho bo bokellwang nakong eo mosebetsi le rakonteraka ba sebetsang mmoho, bo tla bolokwa kahara faele ya motho ya amehang ele pampiri kapa sistiming ya lefapha la khiro la YPrime. Nako eo YPrime e bolokang boitsebiso ba botho bo amanang le khiro bo fumanwa kahara tataiso ya polokeho e fuwang batho ba amehang.

Ka nako enngwe basebeletsi ba YPrime le borakonteraka ba tokiso ya thepa ha ba kgone ho sebedisa Boitsebiso ba Botho ho fana ka thepa kapa ditshebeletso ho YPrime. Borakonteraka ba sebedisa Boitsebiso feela bo hlokahalang ba Botho molemong wa hore rakonteraka a itseng a fane ka tshebeletso e lekanyeditsweng ho YPrime. YPrime e lebelletse hore basebeletsi le borakonteraka ba yona ba lokisang thepa ho: (1) sireletsa Boitsebiso ba Botho ba lekunutu la Boitsebiso ba Botho ho ipapisitswe le tataiso ena, (2) ba sebedise kapa ho phatlalatsa Boitsebiso ba Botho mererong e meng ntle le ho fana feela ka thepa le ditshebeletso ho YPrime, ho latela molao.

YPrime e boloka tlaleho ya tshebetso ya yona ya Tshebediso ya Boitsebiso ba Botho ho latela melawana ya GDPR.

Boitsebiso boo re bo Bokellang le Tsela eo re bo Sebedisang ka Yona

Boitsebiso bo bokellwang ke YPrime Technologies bo nkwa e le bo ikgethang jwalokaha GDPR e hlalosa. Ho ipapisitswe le bo bokellwang bakeng sa phuputso ya bongaka, boitsebiso boo bo ka akarelletsa:

• Boitsebiso ba palo ya bakudi,
• Boemo ba bophelo bo botle (ba kelello) ba motho eo ho etswang teko ho yena,
• Boitsebiso ba Kgatiso ya menwana
• Boitsebiso bo akaretsang

Boitsebiso bo bokelletsweng ke YPrime technologies bo amana le mokgwa oo ho etswang phuputso ya bongaka ebile bo akarelletsa ho bokellwa ha boitsebiso bo amanang le teko e etswang ho hlalositsweng ho Tumello e Bontshang Kutlwisiso.

Ditokelo tsa Botho

Jwaloka beng ba boitsebiso, motho ka mong o na le ditokelo tse mmalwa mabapi le Boitsebiso ba bona ba bo jwalo Botho.

Dikopo Tsa ho Fumana Dintlha Tsa Boitsebiso

Motho ka mong o na le tokelo ya ho tseba hore na ke karolo efe ya Boitsebiso ba Botho ba hae e laolwang le ho sebediswa ke YPrime ho netefatsa hore Boitsebiso bo jwalo ba Botho bo nepahetse ebile bo sebediswa feela molemong wa merero eo YPrime bo bokeletseng ka yona. Haeba motho a etsa kopo e utlwahalang, YPrime e tla mo hlalosetsa:

• hore na boitsebiso ba hae bo a sebediswa kapa tjhe, ebang ho le jwalo, lebaka ke lefe, mekgahlelo e amehang ya Boitsebiso ba Botho bo amehang le mohlodi wa bona haeba bo sa bokellwa ho tswa ho monga bona;
• bao boitsebiso ba bona bo ka phatlalatswang, ho kenyeletswa le ba fumanang boitsebiso bao eseng karolo ya bahwebi mmoho ba kantle ho Sedikadikwe sa Moruo wa Europa (EEA) le ditataiso tsa tsela eo bo sireletswang ka yona nakong eo bo fetiswang;
• Hore na Boitsebiso ba hae ba Botho bo bolokwa nako e kae (kapa hore na nako eo e kgethwa jwang);
• o na le ditokelo tsa ho lokisa kapa ho hlakola boitsebiso ba hae, kapa ho thibela kapa ho hanyetsa Tshebediso ya bona;
• o na le tokelo ya ho tletleba ho bolaodi bo amehang ba polokeho ya lekunutu haeba a nahana hore YPrime e hataketse ditokelo tsa hae tsa polokeho ya boitsebiso ba hae; le
• hore na YPrime e sebedisa dikhomphiyutha ho etsa diqeto kapa tjhe le mabaka a amehang tabeng ya ho nka diqeto.

YPrime e tla boela e fe motho kopi ya Boitsebiso ba hae ba Botho bo bokelletsweng nakong ya Tshebetso. Hangata sena se etswa ka marangrang haeba motho a rometse kopo ka marangrang, ntle le haeba a kopile hore bo romelwe ka tsela e nngwe.

Haeba motho a hloka dikopi tse eketsehileng, YPrime e ka mo lefisa tjhelete e amohelehang, e ipapisa le ditshenyehelo tsa bosebeletsi phanong ya dikopi tse ding.

Ha motho a etsa kopo ya ho fumana boitsebiso, motho ya amehang o tshwanela ho romela imeile ho marketing@yprime.com. Hoo e batlang e le maemong ohle, YPrime e tlanngwa ke molao ho kopa bopaki ba boitsebiso pele kopo e ka sebetswa. Hape maemong a mang, YPrime e ka nna ya hloka ho ikopanya le bolaodi ba taolo ya boitsebiso haeba YPrime e le yona e bo Sebetsang (kapa mothusi wa yona), moo ho hlokahalang.

Hangata YPrime e araba kopo nakong ya kgwedi ho tloha letsatsing leo e amohetsweng ka lona. Ka nako e nngwe, haeba YPrime e sebetsana le boitsebiso bo bongata ba motho ka mong, e ka araba ka mora dikgwedi tse tharo ho tloha letsatsing leo kopo e amohetsweng ka lona. Boemong boo YPrime e tla ngolla motho ka mora kgwedi ka mora ho fumana kopo ya pele bakeng sa ho mo hlalosetsa.

Haeba kopo ya ho fumana boitsebiso ya mohlahlobuwa e se na nnete kapa e feteletsa, YPrime ha e na ho e sebetsa. Ho fapana le hoo, YPrime e ka dumela ho araba empa ka tefiso ya tjhelete, e ipapisa le ditshenyehelo tsa ho arabela kopo. Mohlala ke ha kopo ya motho ya ho fumana boitsebiso ba hae e se na nnete kapa e feteletsa, e ipheta leha YPrime e se e arabile. Haeba motho a etsa kopo e se nang nnete kapa e feteletseng, YPrime e tla mo hlokomedisa ka seo le hore na e tla sebetswa kapa tjhe.

Ditokelo tse Ding

Motho ka mong o na le ditokelo tse mmalwa mabapi Boitsebiso ba hae ba Botho. Motho ka mong a ka kopa YPrime ho:

• mo tsebisa ka pokello le tshebediso ya Boitsebiso ba hae ba Botho;
• lokisa Boitsebiso ba Botho bo sa nepahalang;
• emisa ho Sebedisa kapa ho hlakola Boitsebiso ba Botho bo seng bo se na seabo tshebetsong;
• tswelapele ho boloka dintlha tsa hae tsa Boitsebiso ba Botho empa di se ke tsa sebediswa;
• hlompha ditokelo tsa motho ka mong ho hanyetsa Tshebediso ya Boitsebiso ba Botho maemong a mang, mohlala, dipapatso tse kgethehileng;
• mo fa Boitsebiso ba Botho ka foromo e ka fetisetswang habobebe khomphiyutheng e nngwe. Hangata re araba kopo ena ka ho fana ka boitsebiso re sebedisa “dinthla tse arotsweng ka fehelwane” (csv);
• hlompha ditokelo tsa motho ka mong mabapi le diqeto tse entsweng ke khomphiyutha ka Boitsebiso ba bona ba Botho;
• emisa ho Sebedisa kapa ho hlakola Boitsebiso ba hae ba Botho haeba mabaka a motho a utlwahala ho feta merero ya YPrime ya ho Sebedisa Boitsebiso ba Botho (moo YPrime e itshetlehileng ka merero ya yona e le lebaka le tiileng la ho Sebedisa Boitsebiso ba Botho);
• emisa ho Sebedisa kapa ho hlakola Boitsebiso ba Botho haeba Tshebediso ya bona e se molaong; le
• emisa ho Sebedisa Boitsebiso ba Botho nako e itseng haeba bo sa nepahala kapa haeba ho sa dumellanwe hore na mabaka a motho aa tshwareha mabapi le hore na YPrime e ka Sebedisa Boitsebiso ba hae ba Botho kapa tjhe.

Ho etsa kopo ya hore YPrime e nke o mong wa mehato e ka hodimo, motho ya amehang o tshwanela ho romela molaetsa wa imeile ho marketing@yprime.com.

Batho ba hlahang tlasa EU (Beng ba Boitsebiso ka hara EU) ba ka isa ditletlebo tsa bona ho bolaodi ba polokeho ya boitsebiso sebakeng sa habo bona mme ba ka kopa tharollo e tlamang mabapi le dikopo tsa ho fumana tshebeletso tse sa rarollwang ka mekgwa e meng.

Haeba o batla ho ntsha maikutlo kapa o na le tletlebo e ke keng ya rarollwa ke rona ka kotloloho, o ka ikopanya le bolaodi ba polokeho ya boitsebiso sebakeng sa heno.

Tshireletso ya Boitsebiso

YPrime e nka taba ya ho sireletsa tshireletso ya Boitsebiso ba Botho ka ho teba. YPrime e na le maano a tsamaiso a ho sireletsa Boitsebiso ba Botho mabapi le tahlehelo, ho senyeha ka phoso, tshebediso e mpe kapa phatlalatso, le ho netefatsa hore boitsebiso bo sebediswa ke basebetsi nakong ya tshebetso feela.

Moo YPrime e batlileng bahwebi mmoho ho e thusa mabapi le ho sebetsana le Boitsebiso ba Botho, bahwebi ba jwalo ba latela tataiso e ngotsweng, ba tlangwa ho boloka lekukutu le ho ikobela melawana ya tshebetso e loketseng ya setekgenike le ya khamphani ho netefatsa polokeho ya Boitsebiso ba Botho.

YPrime e nka boikarabello bo ka bang teng maemong ao Boitsebiso ba Botho bo ka fetisetswang ho bahwebi ba bang. YPrime e ke ke ya arolelana Boitsebiso ba Botho le mang kapa mang e sa netefatsa hore motho ya jwalo o ikobela metheo ya tsamaiso kapa melao e tshwanang e fanang ka tshireletso e lekaneng. YPrime ha e arolelane Boitsebiso ba Botho le batho bao e se nang ditshebedisano le bona, ntle le taelo e entsweng ka molao ke tlelaente kapa ntle le haeba balaodi ba tshebediso ya boitsebiso ba fane ka taelo ya hore ho etswe seo. Mohlala, maemo a jwalo ke a amanang le phatlalatso ya Boitsebiso ba Botho ba moreki kamoo molao o hlokang kateng ka tataiso ya molao, kapa ho bontshitswe thahasello tabeng ya motho ya tsebahalang ya ho fana ka se seng sa ditho tsa hae tse ka hare mme e le ntho e ka amang bophelo ba hae, bophelo bo botle le polokeho. Moo YPrime e laelwang ho arolelana Boitsebiso ba Botho ba motho le mohwebi e mong ya sa sebedisaneng le yona, YPrime e tla netefatsa hore mohwebi eo o fana ka tshireletso e lekaneng. Haeba YPrime e hlokomela hore mohwebi ya jwalo ya fumaneng Boitsebiso ba Botho o sebedisa kapa o phatlalatsa boitsebiso bo tswang ho YPrime ntle le ho ikobela melawana e tataisong ena, YPrime e tla nka dikgato tse matla ho thibela kapa ho emisa tshebediso kapa phatlalatso ya bona.

Ditekolo tsa ho Ameha ha Tshireletso

Tse ding tsa Ditshebetso tsa YPrime di ka etsa hore boitsebiso bo lahlehe. Moo Tshebediso ya boitsebiso e ka hatakelang ditokelo le bolokolohi ba motho, YPrime e tla lekola hore na ho ka kgoneha hakae ho sireletsa boitsebiso boo e le hore e ka sheba hore na ho hlokahala hore boitsebiso boo bo Sebetswe le hore na ke boitsebiso bo bokae. Sena se tla akarelletsa hore na ke hobaneng ha ho etswa mosebetsi oo, kotsi eo batho ka bo mong ba ka bang ho yona le hore na ho ka etswang bakeng sa ho fokotsa dikotsi tseo tse ka hlahang.

Ho Romelwa ha Boitsebiso ka Tsela e Seng Molaong

Haeba YPrime e hlokomela hore ho rometswe Boitsebiso ba Botho ka tsela e seng molaong ho ka behang ditokelo le bolokolohi ba batho ba amehang kotsing, e tla tlaleha seo ho Mokomishenara wa Boitsebiso nakong ya dihora tse 72 ka mora hore ho fumanwe bothata boo. YPrime e tla tlaleha maemo ohle a boitsebiso bo rometsweng ka tsela e seng molaong ho sa tsotellehe hore na seo se amme ba bang hakae.

Haeba ho romelwa ha boitsebiso ka tsela e seng molaong ho ka beha ditokelo le bolokolohi ba batho ba amehang kotsing, YPrime e tla tsebisa batho ba jwalo hore boitsebiso ba bona bo rometswe ka tsela e seng molaong le ho ba hlokomedisa ka kotsi e ka bang teng esita mehato e nkilweng.

Ho Romella Boitsebiso Dinaheng tse Ding

Boitsebiso ba Botho bo laolwang kapa bo sebediswang ke YPrime bo ka romelwa dinaheng tse ka ntle ho EEA.

YPrime e tiisetsa batho hore e tla ikamahanya le tataiso ka ho sebedisa Melao e Tlwaelehileng ya Konteraka, e tshebetsong, le ho ikemisetsa ho batlisisa ka botlalo le ho leka ho rarolla ditletlebo tsohle kapa ho se dumellane ka maikutlo mabapi le tshebediso le phatlalatso ya Boitsebiso ba Botho e sa ikobeleng tataiso ena.

Maikarabelo a Mosebetsi wa YPrime

Basebetsi ba YPrime ba ka ba le tokelo ya ho sebedisa Boitsebiso ba Botho ba batho ba amehang, bareki le ditlelaente tsa rona nakong ya mosebetsi. Maemong a jwalo, YPrime e sebetsa le batho ba yona ho thusa ho tiisa boitlamo ba yona ho basebetsi, bareki le ditlelaente ba ho sireletsa boitsebiso.

Basebetsi ba nang le tokelo ya ho sebedisa Boitsebiso ba Botho ba Batho ba tlameha:

• ho sebedisa feela boitsebiso boo ba fuweng matla ho bona, molemong wa tshebetso feela;
• ho se fane ka boitsebiso ho batho ekaba ka hare kapa kantle ho YPrime ntle leha ba fuwe tumello;
• ho netefatsa tshireletso ya boitsebiso ka nako tsohle, mohlala, ka ho ikobela melao ya ho sebedisa sebaka sa tshebetso, khomphiyutha, ho akarelletsa le ho sireletsa diphasewete, le tshireletso ya difaele le ho hlakola tse ding;
• ho se hlakole Boitsebiso ba Botho, kapa ho tlosa disebediswa tse nang le bona kapa tse ka sebediswang nakong ya tshebediso ya bona, sebakeng sa tshebetso sa YPrime ntle le ho nka mehato e nepahetseng jwalo ka encryption kapa ho sireletsa phasewete ho netefetsa tshireletso ya boitsebiso le disebediswa;
• ho se boloke Boitsebiso ba Botho ka hara lokhal draeve kapa disebediswa tsa motho tse sebediswang bakeng sa tshebetso; le
• hore ha ba hlokomela boitsebiso bo romelwang ntle ho molao ba tlalehe seo ka ho romela molaetsa ho privacy@yprime.com hang hang.

Ha o sa ikobele melawana ena o tla fetisetswa ka pela komiti ya kgalemo, ho ipapisitswe le melawana ya kgalemo le tsamaiso ya YPrime.

YPrime e tla fana ka kwetliso ho basebetsi bohle mabapi le boikarabelo ba bona ba ho netefatsa tshireletso ya boitsebiso e le karolo ya mehato e nkwang ha motho a qala ho fihla mosebetsing mme kamorao ho moo e tla etswa nako le nako.

Basebetsi ba hlokang ho sebedisa Boitsebiso ba Botho kgafetsa, kapa ba ikarabellang ho kenya tataiso ena tshebetsong kapa ho arabela dikopo tsa ho fumana boitsebiso tlasa tataiso ena, ba tla fumana kwetliso ya tlatsetso ho ba thusa ho utlwisisa tshebetso ya bona le mokgwa wa ho ikobela yona.

Lekunutu la Inthaneteng

YPrime, kapa bahwebi mmoho ka taelo ya yona, e ka bokella Boitsebiso ba Botho ba batho ba etelang webosaete ya yona le tshebediso ya teng, mme seo le sona se ikamahanya le tataiso ena. Boitsebiso ba Botho bo jwalo bo ka bokellwa ha motho a fana ka lebitso la hae /kapa aterese. YPrime, kapa bahwebi mmoho ka taelo ya yona, ba ka bokella boitsebiso ba batho ba etelang webosaete ya YPrime ntle le hore motho a fane ka boitsebiso ba marangrang ka mekgwa e fapaneng ya khomphiyutha, jwalo ka diaterese tsa moo sesebediswa sa hae sa marangrang se leng hona teng (IP address), tse tsomang dicookie, di-pixel le mekgwa eo motho a sebedisang webosaete ka yona. Leha boitsebiso bo bokelletsweng ka mekgwa e jwalo ya khomphiyutha bo sa kgetholle motho ka kotloloho, diboraosa tsa marangrang di fetisetsa boitsebiso ho webosaete ya YPrime hore na ke software efe e sebediswang ke khomphiyutha ya mosebedisi, jwalo ka aterese ya IP le mofuta wa boraosa. Boitsebiso bo bokeletsweng ka mekgwa e jwalo bo ke ke ba sebediswa ho kgetholla motho ka mong ntle le ho fana ka boitsebiso ba tlatsetso bo ka ba kgethollang.

Dicookie

YPrime e sebedisa dicookie e leng difaele tse nyane tsa boitsebiso tse fanwang ke webosaete ya rona mme di bolokwa sesebedisweng sa hao. Webosaete ya rona e sebedisa dicookie tse behwang ke rona kapa bahwebi mmoho kapa batho ba bang ka sepheo se fapaneng, mohlala, ho tsamaisa le ho matlafatsa maemo a tshebediso ho basebedisi le ho bapatsa. Dicookie di ka fellwa ke nako ha o qeta ho sebedisa webosaete, kapa di ka bolokwa khomphiyutheng ya hao ha o sebedisa webosaete nakong e tlang. O ka thibela tshebetso ya dicookie ka ho fetola diseting tsa boraosa ba hao (sheba moo ho ngotsweng “ Thuso” ho boraosa ba hao ho ithuta ho etsa sena). Ho thibela tshebetso ya dicookie ho tla o sitisa ho natefelwa ke ho sebedisa webosaete ya rona.

Tumello ya ho Sebedisa Epo ya YPrime

Ho hlokahala ditumello tse ngata bakeng sa hore o kgone ho sebedisa dintho tse fapaneng ka hare epo ya YPrime.

Ho Android 11 kapa ka tlase ho moo, ho ka sebediswa sekene sa Bluetooth bakeng sa bokella boitsebiso bo mabapi le sebaka seo mosebedisi a leng ho sona. Epo ya rona ha e batle sebaka seo mosebedisi a leng ho sona, empa ho hlokahala hore e bontshe seo nakong eo e thusang ho fana ka sapoto bakeng sa Bluetooth ya Android. Bakeng sa ho fumana lethathamo la diseting tse itseng romela imeile ho marketing@yprime.com.

Mofuta oa 10, o qetetse ho ntlafatswa ka la 18 Phupu 2024